123 Wedding MC婚禮小故事 - 【移民後回港擺酒】
top of page
  • oliverleemc

Wedding MC婚禮小故事 - 【移民後回港擺酒】

已更新:2022年7月21日

籌備一場婚禮,真係搞到人都癲,個個人都有意見,就連一啲唔關事嘅人都會批評你決定,有時嬲嬲地,都會諗早知唔搞啦~


等等~唔好講咁深入住,講返前少少先,擺唔擺酒呢樣嘢,新人同父母一致通過做同一決定,基乎無可能,好彩啲嘅,父母話冇所謂(其實心裏面有取向)。擺酒目的大家都唔同,有啲覺得係結婚嘅一部份、有啲為咗開心、有啲為咗靚、有啲為父母交代... 呢一場嘅婚宴,新人早已移民外國,亦註冊左一段時間,見面較多嘅朋友同同事都係國外,所以圍數唔多。新婚後補擺酒,熱情冷卻左,更加唔想搞,淨係訂酒席呢樣嘢都唔知返唔返嚟搞好,仲有其他嘢呢?所以聽過咁多致謝詞,呢一次係最詳盡又衷心嘅多謝,因為好多嘢都係靠佢哋幫手。




圍數唔多、一切從簡、意見不多、亦無打算變咗場fasion show,從傾談內容中,新人出發點都係想家人開心,中間唔安排他活動,可以唔使食到咁晏,又可以多啲時間同朋友傾計⋯我諗佢哋返嚟擺酒都係為咗屋企人,親戚以外,嚟得嘅都係老朋友,大家當敘舊,可能相識夠耐,喺圍數唔多下,氣氛非常之好,淨係剪咗啲笑聲出嚟已差唔多一分鐘,對白都無剪落去喇,最緊要都係開心啫~


呢一場嘅司儀片段可點擊以下YouTube連結,或到首頁均可

https://youtu.be/JtmLL0gYo0g

 

Oliver Lee 為專業表演者,表演範圍包:婚禮司儀、魔術及氣球表演。曾主持與協辦逾500場婚禮及大型活動,合作客戶包括商業品牌、明星藝人、政府部門、旅遊公司、中小學與非牟利機構,司儀及表演經驗非常豐富,更擅長以幽默金句和魔術表演,為婚禮及活動營造氣氛。


  • 榮獲HKMOL香港最優秀領袖大獎2021–《年度最傑出人氣婚禮司儀及魔術師》

  • 新婚會專欄作家

  • 政府培訓講師

  • LEI兒童心理學證書

  • 生涯規劃導師

1 次查看0 則留言
bottom of page