氣球呢樣嘢大人小朋友都咁鍾意，好多時都會見到活動當中，一個圓形氣球加支膠棍，就已可以好受歡迎，絕對係直接、簡單、開心。當然如果多啲預算或技術，做到扭氣球就更多人排隊啦。由一支氣球、扭氣球、到氣球佈置都係打咭為主，唯獨是欠缺咗互動，所以今次同大家介紹係「跳跳氣球圈」。
Oliver 喺呢幾個月靜靜雞加入呢個最新嘅氣球玩意，原本想等小朋友有得玩下，家長又可以打下咭，但估唔到咁好反應，一開始令個氣球圈轉動時，連家長都大叫一聲「嘩！～～～～」，大家都覺得好有驚喜。示範咗一次之後，小朋友已經走去排隊，但最快都唔係佢哋，而係家長，大家都忍唔住去影相拍片，尤其想影低自己小朋友。
玩法非常簡單，就係要跳過去，對於小朋友嚟講，唔係咁易做，因為氣球轉動時都有啲高低變化，有時太高未必跳得過，要搵啱嘅時間起跳。除咗簡單，亦比較安全，氣球稍為受到碰撞，就會失去平衡倒下，而且呢個唔係競技項目，每當有比賽嘅小遊戲，會有勝負之分，贏嘅固之然開心，輸嘅點都有啲失落，隨時可能會一、兩個小朋友，因為輸咗而喊。
想睇真實效果，睇片啦！
另外，再靜雞雞話你知，而且仲做緊優惠添～
直接Whatsapp聯絡 -----------------------------------------------------