• oliverleemc

Wedding MC 婚禮小故事 - 【婚期變預產期】

計劃追不上變化,問題總比辨法多~係呀!係「問題總比辨法多」~搞一場婚宴,會有好多問題出現,準新人同屋企人都各有各意見,完成婚宴個個新人都升LV.做解決師,好似咩都解決到⋯咁濟~好多時準新人都係面對緊好相似嘅問題,理想VS現實、新派VS傳統⋯係過往婚宴當中,我都會諗係「人」難解決啲,定係「事」難解決啲。當遇上不可預測嘅事情,打爛晒如意算盤🧮,咩計劃都無晒,所謂planning~ planning~ plan完都係零⋯就好似呢大半年嘅疫情一樣,計劃不似預期,擺酒都要改期⋯



我記得有一次客人改期,我個反應都唔知恭喜定唔恭喜佢好,聽落個情況都係開心事~但事實對準新娘子嚟講又唔係好好~客人改期原因係有左BB,畢竟弄瓦之喜,都係值得恭喜,但係準新娘子產後又要坐月、又要湊仔、又要修身,仲要搞婚宴,確實未必咁理想,但既為事實,都要全力配合。好彩準新娘子心態都好好,所謂心態決定境界,索性加多啲BB元素,比賓客們都可以見下BB,同佢個backdrop影下相,個入場位仲搞到成個百日宴咁,所以台上、台下、新人、BB都Keep住有人影相,結果氣氛相當好,BB亦為現場帶嚟歡樂。



改期除咗影響酒席、化妝、服裝、wedding mc等配套外,新人個狀態都好大影響,一心籌劃好晒,滿心歡喜去迎接,點知要改期🤯,就算籌劃到一半,都唔知繼續唔繼續好。呢個疫情,令到大家都好焦慮,每個範籌都有唔同嘅擔憂~準新娘對面壓力比準新郎更多,有準新娘提早半年甚至更早開始修身、護膚、留定長頭髮♀️,目的都係想以最好狀態示人,準新郎可能都只係擺酒前嗰幾日剪個髮♂️、買對鞋就算~呢段時間,準新娘可能會好䒐䒏(忟憎),所以另一半要當上心理輔導員,有時唔係要啲實用方案或決定啲咩,而係比大家放負一下,情感上宣洩,有男方嘅陪伴係好重要。如果真係想改變方案,都要等大家情緒平靜下來傾,避免意氣用事。畢竟結婚都係一件幸福嘅事。


所為一個婚禮司儀,都要比啲正能量新人,其實換個角度諗,疫情令大家多咗時間籌備,每一項細節都可以準備得更盡善盡美~正如以上呢位新娘子一樣,心態唔同,成件事都好唔同,Enjoy!

 

Oliver Lee 為專業表演者,表演範圍包:婚禮司儀、魔術及氣球表演。曾主持與協辦逾500場婚禮及大型活動,合作客戶包括商業品牌、明星藝人、政府部門、旅遊公司、中小學與非牟利機構,司儀及表演經驗非常豐富,更擅長以幽默金句和魔術表演,為婚禮及活動營造氣氛。


  • 榮獲HKMOL香港最優秀領袖大獎2021–《年度最傑出人氣婚禮司儀及魔術師》

  • 新婚會專欄作家

  • 政府培訓講師

  • LEI兒童心理學證書

  • 生涯規劃導師

更多資料及影片,請瀏覽網址: Website : https://www.oliverleemc.com FB : https://www.facebook.com/magic.oliverlee IG : https://www.instagram.com/magic.oliverlee/ YT: https://www.youtube.com/channel/UCRFakWB0y4YAmv5HxYm8N9Q 新婚生活易個人專欄 : https://wow.esdlife.com/mcoliver

0 次查看0 則留言