123
 
  • oliverleemc

Wedding MC 婚禮小故事 - 【與山竹競賽的婚宴】

已更新:7月21日

呢幾年嚟新人被疫情搞到擺唔成酒,心情都好忐忑,其實以往都有新人遇到突發事,一樣令佢哋咁忐忑~有時仲會都嚟得好急,好似連比你諗下點應對嘅機會都無,只能夠講聽天由命。


今日凌晨掛咗9號風球,唔知原本有幾多新人會琴日或今日擺酒呢?(雖然農歷七月會極少)唔好彩遇正打風嘅話,一朝早,各人可能交通問題而遲到,計而影響出門時間、兄弟啲服裝又濕晒、花車到時又唔似花車、戶外又無得影相⋯呀~都仲係講緊朝早,真係頭都痛埋⋯

今日新聞講到同當年山竹比咁⋯2018年9月15日當日有場婚宴我要做,個風嚟之前已經講緊個風好勁,預計最近香港時間,亦係婚宴日子。前一兩晚,大家做咗最壞打算,朝早只會喺室內做儀式,夜晚就預咗有(大)部分親友唔嚟,即使入坐率唔夠,都唔會等,因為是次晚宴重點策略就係「快」!

當晚五時恭候前,已經掛上3號風球,所以我哋要趕喺8號風球前散席,估計就算未到美點雙輝,應該都會被散席,呢個狀況新人都好明白。或者成晚裏面,無論賓客、工作人員、侍應、我⋯相信新人同長輩s,大家內心都好焦急,有著同一句不敢講出口嘅說話「完咗咋咋淋走呀」。


結果成晚節奏好快,上菜快,影相快,散席固之然快,10點多啲就散席,最犀利係原定流程內嘅嘢都做齊,無因為趕而換少套衫,亦無因為趕而唔帶金器,需知道呢兩樣都幾花時間,之後照樣敬酒、大合照、同做埋surprise,講到好似好老定咁,其實全程我助手都Mon住個風,我一直update新人同向來賓廣播,每一part都即時傾做定唔做,最後幸運地,新人都返到屋企先打8號。我訓醒之後已經變天,好彩早一日擺酒,否則⋯



而家講返轉頭當然輕鬆簡單得多,但當時新人面對呢個情況,一定影響心情,作為一個MC處理完情感,都要同佢哋一齊傾下有咩處理?

-問返8號風球下各工作人員會唔會到?要唔要加錢?包括交通費

-如果早上掛咗8號兄弟姊妹需唔需要到,還是自己家人做啲簡單儀式?

-橫風橫雨下,4大長老嘅安全問題,會唔會只到晚宴一個地點?

-晚宴場地喺8號風球下有咩措施?

-俾新人知道晚宴時,可能食食下就掛8號,到時新人服裝轉做一套到尾,大家食少少嘢,影埋相先,方便客人趕車 ................

當然都仲有好多嘢要諗定唔同方案~同樣地,面對疫情都係不能掌握嘅事,但舒緩情緒後,新人兩方不妨傾下plan B,當變化情況係計劃當中,即時都唔會太大反應,可能亦會預知之後情況,雖然到時唔一定係預期當中,但至少知道大家嘅方向係點,唔會方寸大亂。

 

Oliver Lee 為專業表演者,表演範圍包:婚禮司儀、魔術及氣球表演。曾主持與協辦逾500場婚禮及大型活動,合作客戶包括商業品牌、明星藝人、政府部門、旅遊公司、中小學與非牟利機構,司儀及表演經驗非常豐富,更擅長以幽默金句和魔術表演,為婚禮及活動營造氣氛。


  • 榮獲HKMOL香港最優秀領袖大獎2021–《年度最傑出人氣婚禮司儀及魔術師》

  • 新婚會專欄作家

  • 政府培訓講師

  • LEI兒童心理學證書

  • 生涯規劃導師

更多資料及影片,請瀏覽網址: Website : https://www.oliverleemc.com FB : https://www.facebook.com/magic.oliverlee IG : https://www.instagram.com/magic.oliverlee/ YT: https://www.youtube.com/channel/UCRFakWB0y4YAmv5HxYm8N9Q 新婚生活易個人專欄 : https://wow.esdlife.com/mcoliver

1 次查看0 則留言