• oliverleemc

Wedding MC婚禮小故事 - 【韓國新郎】

已更新:7月21日

異地戀/異國戀情況,發生喺朋友間,係一個好有話題性嘅topic,但終歸大家都會問結唔結婚?如果結~住邊度?一個嫁到外地嘅新娘係點?有咩唔適應,可以要睇陳貝兒~但一對新人返香港擺酒又係點嘅一回事?韓國新郎無親戚朋友嚟香港,又唔識廣東話,連兄弟團都係新娘嘅朋友,成個畫面我唔想新郎好似只係襯托咁,晚宴台上表儀式點樣可以做好啲,都係個難題。


韓國人新郎哥與香港新娘喺香港擺酒,用返香港司儀,始終都係跟返香港婚宴流程。雖然新郎唔識廣東話,但一樣炒起到氣氛,Wedding MC Oliver 仲用廣東話即場同新郎交流,一睇就知無夾過啦,都幾好笑架。
港韓結婚

新娘喺開會嘅時候,已經比晒我需要嘅資料,但係喺婚禮嘅現場,新郎唔熟台上儀式同流程,又唔知我噏乜,會好容易變成紙板人一樣,喺言語溝通唔到情況下,更容易變得失色。婚禮始終係新郎及新娘嘅舞台,都唔想太偏重於一邊,有諗過改咗平時啲script,平時同新郎交流嘅嘢完全用唔著⋯唉~但我又唔捨得啲gag喎,不停腦海中拉鋸。試過抹走晒之前啲嘢,從零開始,再設計一啲新內容,但諗咗好幾個方法之後,發覺用返原本script最好,新郎唔識聽廣東話有唔識嘅好,何不好好利用,改返少少野,咁就好玩喇!當晚台上新郎唔知我問咩,新娘不停喺則邊提佢~叫佢答「好」,出到嚟效果非常之好,比平時更好笑,因為有整蠱佢嘅感覺,成件事完全可以加強返新郎嘅焦點,喜感十足,贏得唔少掌聲同笑聲。


Wedding MC Oliver 除咗係司儀外,仲有魔術師同氣球師,無論魔術表演定婚宴氣球佈置,香港婚禮司儀Oliver一樣做到,想要多個打咭位,放一對新人氣球喺門口啱晒,個個入嚟就即刻可以打咭。
氣球新郎新娘

今次opening都好唔同,新人喺韓國嗰邊都會搞個韓式婚禮,所以我都同來賓分享吓,韓式同港式婚宴嘅分別,淨係講用色已經令長輩們嘩然,大家都尊重對方傳統去睇,都覺得好有趣。去到晚宴尾聲,新郎都好享受呢個港式婚禮,佢同家人都覺得港式婚禮好新奇,自己仲要係主角,接觸到嘅係更多,嗯⋯同一傳統習俗下,都係唔同意見,何況唔同國藉,就有唔同嘅習俗~兩方都傾好兩邊都會搞婚禮,長老們s又配合,兩地婚禮都尊重返襯家要求。就好似要加新人氣球擺設同埋台上有魔術表演,新人都決定得好爽快,既有影相位,又有魔術睇!


新郎唔識廣東話都可以好好笑~睇片啦~

https://www.facebook.com/watch/?v=1951968134862612

 

Oliver Lee 為專業表演者,表演範圍包:婚禮司儀、魔術及氣球表演。曾主持與協辦逾500場婚禮及大型活動,合作客戶包括商業品牌、明星藝人、政府部門、旅遊公司、中小學與非牟利機構,司儀及表演經驗非常豐富,更擅長以幽默金句和魔術表演,為婚禮及活動營造氣氛。


  • 榮獲HKMOL香港最優秀領袖大獎2021–《年度最傑出人氣婚禮司儀及魔術師》

  • 新婚會專欄作家

  • 政府培訓講師

  • LEI兒童心理學證書

  • 生涯規劃導師

更多資料及影片,請瀏覽網址: Website : https://www.oliverleemc.com FB : https://www.facebook.com/magic.oliverlee IG : https://www.instagram.com/magic.oliverlee/ YT: https://www.youtube.com/channel/UCRFakWB0y4YAmv5HxYm8N9Q 新婚生活易個人專欄 : https://wow.esdlife.com/mcoliver

0 次查看0 則留言