123
top of page

Wedding MC婚禮小故事 - 【籌備兩年的新人】

oliverleemc
2022年3月26日讀畢需時 2 分鐘

已更新：2022年7月21日

好多時朋友問我籌備一個婚禮要幾耐，我就會陰陰嘴咁問「佢係咪有左🤰呀？」

其實籌備幾耐️，睇你想要邊種結婚模式，就算係擺酒，都可以係簡約、隆重或好似一個party形式🕺咁，籌備時間都好唔同。簡單啲諗，Book咗場地未係主要嘅影響因素。另外，好多時當情侶準備婚禮時，都會搵啱啱結婚朋友嘅婚宴團隊，如果無太大問題，都會照板煮碗選用原班🦍🦓人馬，咁就會快好多，大家經歷過嘅話，就知道淨係睇場地同試妝都用咗你唔少時間。



而呢個晚上，新人用咗兩年時間去籌備，因為好多嘢都係自己搵自己跟🧹，包括婚禮司儀，即係我喇。一去到現場，就見到佢哋花咗️唔少心思，尤其嗰塊好吸睛嘅新人名牌，用咗中式聯婚設計配上龍鳳圖案，懷舊味千足，比起西式風格英文名牌更有感覺，但最正都係新人套禮服，一見到就忍唔住即刻問佢哋‍♂️係咪Alca & Co.架。相信好多新人都有留意過呢一間舖頭，無論cutting定風格都好好，唔好講笑，其實我都想做返套！但又唔能夠搶眼過新郎哥，所以算啦～真係現場見到新人著都係第一次。

由開會開始，一直諗緊用咩字眼或者主題介紹新人，正在新郎哥又玩得，就諗起當時最多人討論嘅人物，將兩者結合，當晚來賓都好受落，係啲咩自己睇睇啦～




對ALCA & CO.有興趣都，可以去佢哋網址睇下呀～

 

Oliver Lee 為專業表演者，表演範圍包：婚禮司儀、魔術及氣球表演。曾主持與協辦逾500場婚禮及大型活動，合作客戶包括商業品牌、明星藝人、政府部門、旅遊公司、中小學與非牟利機構，司儀及表演經驗非常豐富，更擅長以幽默金句和魔術表演，為婚禮及活動營造氣氛。


  • 榮獲HKMOL香港最優秀領袖大獎2021–《年度最傑出人氣婚禮司儀及魔術師》

  • 新婚會專欄作家

  • 政府培訓講師

  • LEI兒童心理學證書

  • 生涯規劃導師

 
 
 

Comments

bottom of page